«Ел татарлары» рейтингында катнашучылар өчен 41 меңнән артык тавыш бирелгән
«Миллиард. Татар» басмасы тарафыннан оештырылган «Ел татарлары» рейтингында катнашучылар өчен тавыш бирү дәвам итә. 4 октябрьдә 13.39 сәгатькә ун категориядә 41 412 тавыш бирелгән.
Аерым номинацияләр буенча барлык мәйданчыкларда тавыш бирүчеләр түбәндәгечә бүленде:
«Иң яхшы татар җыры (эстрада) – 2026» − 1204 тавыш бирелгән;
«Музыкаль алга китеш» − 988 тавыш;
«Елның иң яхшы татар спортчысы» − 1043 тавыш;
«Елның иң яхшы татар мәктәбе» − 17 144 тавыш;
«Иң яхшы татар укытучысы – 2026» − 6911 тавыш;
«Иң яхшы спектакль – 2026» − 4053 тавыш;
«Елның иң яхшы татар актеры / актрисасы» − 5348 тавыш;
«Елның иң яхшы татар фильмы» − 1109 тавыш;
«Татар мәдәниятендәге иң яхшы вакыйга» − 1575 тавыш;
«2026 елның иң яхшы Татарстан дизайнеры һәм мода проектлары» – 2037 тавыш;
Иң актив номинацияләр булып «Елның иң яхшы татар мәктәбе» һәм «Иң яхшы татар укытучысы – 2026» кала.
«Ел татарлары» рейтингында катнашучылар өчен телеграммда, «ВКонтакте» социаль челтәрендә һәм басма сайтында «номинацияләр» бүлегендә тавыш бирергә мөмкин.