Икътисад 18 сентябрь 2014 14:22

Ел башыннан Татарстанның авыл кибетләренә 1 млрд 267 млн сумлык азык-төлек озатылган

Барлык тауарлар да "Татпотребсоюз"ның үз базасында җитештерелгән

Скопировать ссылку

(Казан, 18 сентябрь, «Татар-информ», Ирина Игнатьева). Ел башыннан Татарстанның авыл кибетләренә 1 млрд 267 млн сумлык азык-төлек озатылган. Барлык товарлар да "Татпотребсоюз"ның үз базасында җитештерелгән. Бу хакта "Татар-информ" агентлыгы хәбәрчесенә әлеге предприятиедә хәбәр иттеләр.

Авыл халкы өчен 16 мең тонна ипи һәм икмәк-күмәч эшләнмәләре сатылган, бу узган елның шул чорына карата 80 процент тәшкил итә. Авыл кибетләренә 270 тонна (77 процент) казылык, 1133 тонна кондитер (72), 515 тонна макарон (93)эшләнмәләре җибәрелгән. Район кулланучылар җәмгыятьләре цехларында 181 т (101 процент) балык эшкәртелгән. Моннан тыш, Татарстан авылларында яшәүчеләр составында алкоголь булмаган эчемлекләр дә алган.

"Татпотребсоюз"да билгеләп үтүләренчә, азык-төлек продуктлары җитештерү күләме август аенда район кулланучылар җәмгыятьләренең күп кенә цехларында технологик линияләрне алмаштырып, җитештерү куәтләрен модернизацияләү сәбәпле кимегән. Сентябрь нәтиҗәләре буенча авыл кешеләре өчен азык-төлек тауарларын озату күләме сизелерлек артырга тиеш.

Сәхифәләр

Ел башыннан Татарстанның авыл кибетләренә 1 млрд 267 млн сумлык азык-төлек озатылган