Ел башыннан экологлар гражданнардан килгән 8600 мөрәҗәгатьне тикшергән
Мөрәҗәгатьләрнең яртысы "Мәктәп эко-патруле" телефон кушымтасы аша килеп ирешкән.
(Казан, 4 ноябрь, “Татар-информ”). Ел башыннан Татарстан Экология һәм табигать ресурслары министрлыгының республика буенча иҗтимагый кабул итү системасына 8684 мөрәҗәгать килгән. Бу хакта ведомствоның матбугат хезмәте хәбәр итә.
Мөрәҗәгатьләрнең яртысы "Мәктәп эко-патруле" телефон кушымтасы буенча килеп ирешкән. "Халык контроле" системасына экологлар тарафыннан - 1236 хәбәр, WhatsApp, Telegram, Eco.signal, "Кайнар телефон линиясе" элемтә каналлары аша 1295 хәбәр алынган.
Гражданнарны шәхсән кабул итү барышында һәм министрлыкның кабул итү бүлмәсе аша 2051 мөрәҗәгать каралган.
Татарстан Экология һәм табигать ресурслары министрлыгы табигатьне саклау законнары бозылуның барлык фактлары турында хәбәр итү каналларын искә төшерә:
- (843)267-68-67 телефоны аша;
- eco.signal@tatar.ru электрон почтасы аша;
- интернет аша кабул итү системасы: http://eco.tatarstan.ru/rus/priem.htm;
- WhatsApp һәм Telegram өстәмә элемтә каналлары аша +79872169779 номерына шалтыратып;
- "Халык контроле" системасында "Экология" категориясенә кереп;
- "Мәктәп эко-патруле" мобиль кушымтасы буенча хәбәр итәргә мөмкин.