Җәмгыять 11 апрель 2005 15:42

Ел башыннан 30 меңнән арттык йөртүче тизлек арттырган өчен җаваплылыкка тартылган

Скопировать ссылку

(Казан, 11 апрель, "Татар-информ", Наталья Рыбакова). Казанда бу ел башыннан 30870тән артык йөртүче тизлек арттырган өчен административ җаваплылыкка тартылган. Шәһәрдә өч айда әлеге сәбәп буенча 42 һәлакәт булган, анда 7 кеше үлгән һәм 44е җәрәхәтләнгән.

Шимбә иртә белән Казаннан ерак түгел билгесез йөртүче бер ир-атны бәрдерә. Һәлакәт Горький шоссесында "Нарат" кафесы янында була. Йөртүче һәлакәт урыныннан качкан.

Узган ял көннәрендә Татарстан башкаласында җәяүлеләрне бәрдерүнең 17 очрагы теркәлгән. Һәлакәт килеп чыгуның төп сәбәбе - йөртүчеләрнең тизлек арттыруы. Йөртүчеләргә тизлек режимын бозган очракта, 500 сумга кадәр штраф салынырга яки 4 айга машина йөртү хокукыннан мәхрүм ителергә мөмкин, дип искә төшерә Казанның Эчке эшләр идарәсенең ЮХИДИ матбугат үзәге.

Сәхифәләр

Ел башыннан 30 меңнән арттык йөртүче тизлек арттырган өчен җаваплылыкка тартылган