Ел ахырына мәктәп укучыларына психологик ярдәм күрсәтә торган сайт барлыкка киләчәк
Россия Мәгариф министрлыгы укучылар өчен портал ясый, алар анда профессиональ психологлардан консультация ала алачак. Онлайн-ярдәм балаларга дусларына һәм якыннарына ышанып бүлешә алмаган проблемалары турында сөйләргә мөмкинлек бирәчәк, дип сөйләде Россия мәгариф министры Сергей Кравцов.
«Мәктәп укучысы һәрвакытта да үз проблемалары турында әти-әниләре һәм яшьтәшләре белән сөйләшә алмый – без барыбыз да үзебезне хәтерлибез. Еш кына теге яки бу проблеманы уртаклашырга мөмкин булган чит кеше кирәк. Чөнки проблема белән уртаклашмасаң, ул соңыннан җыела һәм җимергеч булып чыгарга мөмкин», – дип яза ТАСС министр сүзләрен.
Кравцов сүзләренчә, портал җәй ахырында эшли башлаячак. Консультацияләр ябык режимда узачак.
Порталны эшләүдә Мәгариф министрлыгы белән берлектә Мәскәү психология-педагогика университеты катнаша.