Җәмгыять 30 сентябрь 2016 18:52

Экстремистик мәгълүматлы сайт күрсәгез, кибердружинникларга хәбәр итегез - Сабина Вафина

Интернетта экстремистик мәгълүматка каршы көрәшүчеләр 10 мең начар сайтны ачыклаган.

Скопировать ссылку

(Казан, 30 сентябрь, “Татар-информ”, Гөлнар Гарифуллина). Әгәр берәр сайтта экстремистик характер тойган очракта, сайтның сылтамасын ТР Кибердружинасына юлларга кирәк. Бүген “Хузур” нәшрият йортында “Экстремизм. Яшьләр карашы” темасына түгәрәк өстәл утырышында “ТР Иҗади яшьләр академиясе” иҗтимагый оешмасы, ТР Кибердружинасы рәисе Сабина Вафина шуңа өндәде.

“Кибердружина – Интернетта куркыныч эчтәлекле мәгълүматка каршы торучы хәрәкәт. Бу балалар порнографиясе, педофилия, наркотиклар пропагандасы, сепаратизм, экстремизм һәм башкалар. Безнең һәркайсыбыз кибердружинник була ала. Әгәр нинди дә булса сайт сезнең карашка шикле тоелса, оялмагыз, курыкмагыз – сылтаманы кибердружина сайтына яисә "Куркынычсыз Интернет" лигасы сайтына юллагыз. Бу аноним, сезнең арттан беркем күзәтми. Кибердружинниклар бу сайтка блокировка куячак”, - дип сөйләде Сабина Вафина. Аның әйтүенчә, әгәр "Куркынычсыз Интернет" лигасы сайтның чыннан да куркыныч булуын ачыкласа, хезмәткәрләр сайт администрациясенә начар мәгълүматны бетерүне сорап мөрәҗәгать итә. Аннан соң да берни эшләнмәсә, теге яки бу органнарга хәбәр итәләр.

Сабина Вафина республикада кибердружинаның август аенда ачылуын әйтте. Россиядә дружина хәрәкәтендә 20 меңгә якын кеше исәпләнә. Татарстандагы эшче төркемдә әлегә 20 активист бар. Сабина Куркынычсыз Интернет лигасының 2011 нче елдан бирле гамәлдә булуын әйтте. Ул кибердружинниклар тарафыннан куркыныч контентлы 10 мең сайт ябылганын белдерде, шул исәптән 3 мең сайт – наркотикларны, 1 мең сайт – балалар педофилиясен пропагандалау турында.

#экстремизм #Сабина Вафина #кибердружинник

Сәхифәләр

Экстремистик мәгълүматлы сайт күрсәгез, кибердружинникларга хәбәр итегез - Сабина Вафина