Җәмгыять 20 ноябрь 2018 14:10

Экспертлар киләчәктә дөньяда ислам туризмының актив үсәчәген фаразлый

Мөселман туристлары иң еш сәяхәт итә торган илләр – Берләшкән Гарәп Әмирлекләре, Германия, Согуд Гарәбстаны, Малайзия һәм Сингапур.

Скопировать ссылку

(Казан, 20 ноябрь, «Татар-информ»). Германиянең «IPK International» компаниясе аналитиклары якындагы елларда дөньяда ислам туризмының актив үсеш кичерәчәген фаразлый. Бу хакта «Интерфакс» агентлыгы хәбәр итә.

Компания тикшеренүләре нигезендә, соңгы биш елда мөселман туризмының үсеш темплары калган дөнья белән чагыштырганда 40 процентка югарырак булган. Күбесенчә Индонезия, Һиндстан, Төркия һәм гарәп илләрендә яшәүчеләр сәяхәт иткән.

Мөселман туристлары башка илләргә нигездә эшлекле максатлар белән, шулай ук дуслары һәм туганнары янына кунакка бара. Дини һәм хаҗ кылу уңаеннан оештырылган сәфәрләр барлык сәяхәтләрнең 10 процентын тәшкил итә.

Мөселман туристлары иң еш сәяхәт итә торган илләр – Берләшкән Гарәп Әмирлекләре, Германия, Согуд Гарәбстаны, Малайзия һәм Сингапур. Сәфәрләрнең 60 проценттан артыгы — Азия, өчтән бере Европа илләренә туры килә.

«Мөселман туристлары калган сәяхәтчеләрдән күпкә яшьрәк, аларның 75 проценты — 25-44 яшьтә. Аларның күбесе югары белемгә ия», - дип белдергән экспертлар.

#туризм

Сәхифәләр

Экспертлар киләчәктә дөньяда ислам туризмының актив үсәчәген фаразлый