Җәмгыять 5 сентябрь 2018 14:44

Экспертлар Башкортстандагы җир тетрәүне нормаль күренеш дип атады

Башкортстан халкы социаль челтәрләрдә төнге җир тетрәү турында актив фикер алыша.

Скопировать ссылку

(Казан, 5 сентябрь, “Татар-информ”). Җир яши, киңәя, шунлыктан җир асты тирбәнешләре нормаль күренеш. Башкортстандагы төнге җир тетрәүне география фәннәре кандидаты, Акмулла исемендәге Башкортстан өстәмә белем бирү институты каршындагы география укытучылары курсы җитәкчесе, профессор Ринат Фәтхуллин шулай шәрехләгән. Бу турыда “Башинформ” агентлыгы хәбәр итте.

Агентлык хәбәрчесе белән әңгәмәдә галим Уфада берничә ел элек җир тетрәве булганлыгын әйткән. Ул чакта ашыгыч хезмәтләр Октябрь проспекты халкын эвакуация турында кисәтергә мәҗбүр булган.

Икенче эксперт – география фәннәре кандидаты, Россиянең мактаулы геодезисты, профессор Геннадий Турикешев Татарстанның күрше республикада җир тетрәүләре булырга мөмкин дигән. Ул Архангельский районында 19 гасырда көчле җир тетрәвен искә төшергән.

Бүген төнлә Башкортстанның Белорет һәм Салават районнарында, шулай ук Уфада 5,4 балл магнитудалы җир асты тирбәнешләре күзәтелде.

Эпиүзәк Чиләбе өлкәсендә булган. Россия Гадәттән тыш хәлләр министрлыгының Башкортстан буенча Баш идарәсе матбугат хезмәтендә хәбәр итүләренчә, 6 баллга кадәр җиткән җир асты тетрәүләре Башкортстанга килеп җиткәнче йомшарган һәм республикада электр, газ, су белән тәэмин ителешкә зыян килмәгән. Шулай ук зыян күрүче кешеләр дә юк. Шул ук вакытта йорт хайваннары үзләрен тыныч тоткан.

#башкортстан #җир тетрәү

Сәхифәләр

Экспертлар Башкортстандагы җир тетрәүне нормаль күренеш дип атады