Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эксперт Россиядә кайсы категорияләрнең югары пенсия алырга хокуклы булуын әйтте
Мактаулы исемнәр һәм ташламалар гомумиләштерелми. Пенсиягә чыкканнан соң кеше ташлама алу өчен бер нигезне сайлый.
(Казан, 16 март, «Татар-информ»). Россиядә Мактау грамоталары, исемнәр, шулай ук тупланган стаж пенсия һәм ташламалар күләменә йогынты ясый ала.
Бу хакта РИА Новости агентлыгы РФ Пенсионерлар берлеге президиумының мактаулы әгъзасы Людмила Пискуновага сылтама белән хәбәр итә.
Әйтик, эксперт сүзләренчә, «Хезмәт ветераны» исеменә лаек булган гражданнар социаль өстәмәләр һәм ташламаларга хокуклы. Моннан тыш, дәүләт бүләкләренә (әйтик, медальләр, орденнар, Мактау грамоталары һәм исемнәр) лаек булган кешеләр дә югары пенсиягә өметләнә ала.
Моннан тыш, Федерация субъектларының үзенең ташламалар категориясе бар. Мисал өчен, аларны төбәктә 40 ел дәвамында эшләгән кешеләр ала. Аларга Федерация субъекты үсешенә керткән өлеше өчен төбәк башлыгы исеменнән Мактау грамотасы, мактаулы исем һәм медаль тапшырыла.
«Ягъни төбәк законнары һәм финанс мөмкинлекләреннән чыгып, мондый пенсионерларга төрле ташламалар (әйтик, җәмәгать транспортында бушлай йөрү хокукы) бирәләр. Әмма ул бу ташламалардан бары тик үз төбәгендә генә файдалана ала», - дип искәртте Пискунова.
Ул мактаулы исемнәр һәм ташламаларның гомумиләштерелмәвен әйтте. Пенсиягә чыкканнан соң кеше ташлама алу өчен бер нигезне сайлый.
Кызыклы яңалыкларны күзәтеп бару өчен Телеграм-каналга язылыгыз