Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Эксперт Кондратенко: Имтиханнарга ике ел алдан әзерләнә башларга кирәк
Ашыкмас һәм борчылмас өчен, имтиханнарга уку тәмамлаганчы ике ел алдан әзерләнә башларга кирәк, дип белдерде NEWS.ru порталына рус теле укытучысы, «Перезагрузка» проекты эксперты Анна Кондратенко.
Аның сүзләренчә, Төп дәүләт имтиханына – VIII, Бердәм дәүләт имтиханына X сыйныфтан әзерләнә башласаң яхшы. Имтиханнар темаларның зур күләмен колачлый - мәсәлән, XI сыйныфта рус теле буенча БДИда V сыйныфта ук өйрәнелгән сораулар очрарга мөмкин. Шуңа күрә ашыкмас һәм борчылмас өчен, вакытны бүләргә кирәк.
Кондратенко планлаштыруга математик яктан якын килергә: темаларның гомуми санын һәм аларны үтү тизлеген исәпләп, дәресләрне кирәкле санда бәяләргә киңәш итте. Теорияне өйрәнгәннән соң, вариантларны чишүгә вакыт бүләргә кирәк. Белем дәрәҗәсен билгеләү өчен имтихан вариантын реаль шартларга якынайтылган шартларда – таймер белән яки махсуслаштырылган платформаларда башкару зарур.
Яхшы план төзер өчен, укытучы «кечкенә адымнар» принцибын кулланырга: зур темаларны кечкенә темаларга бүләргә һәм акрынлап хәрәкәт итәргә киңәш итте. Имтиханнарга әзерләнүгә атна саен сәгать ярым – бер-ике дәрес бүләргә, ә калган көннәрдә теориягә яки тест биремнәренә 10 минут бүлеп бирергә кирәк. Шул ук вакытта, атнага бер көн ял итәргә киңәш ителә.
Яңалыкларны күзәтеп бару өчен Макс-каналга язылыгыз