Эксперт автомобильчеләргә ягулыкны экономияләү турында киңәш бирде
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Шәхси автомобиль хуҗалары круиз-контроль ярдәмендә ягулык сарыф итүне киметергә мөмкин. Бу хакта ID20 автопаркы белән идарә итүне автоматлаштыру программасының генераль директоры Михаил Комаров сөйләде. РИА Новости шул хакта хәбәр итә.
«Ягулыкта экономияләргә теләгән шәхси автотранспорт хуҗалары өчен круиз-контроль кулланырга һәм машина йөртүнең экономияле стилен сакларга, шулай ук төрле автозаправка станцияләрендә файдалы лояльлек программаларын табарга киңәш ителә», - диде белгеч.
Эксперт сүзләренчә, трассада круиз-контроль даими тизлекне сакларга ярдәм итә, бу ягулыкның артык сарыф ителүен киметә (бигрәк тә озак сәфәрләр вакытында). Үз чиратында кэшбэк яки ташламалар белән төрле лояльлек программалары сизелерлек файда китерергә мөмкин.
Федераль агентлык әңгәмәдәше февральдә нефть продуктлары бәясенең үсеш ихтималын 1-2 процентка бәяләде, бу автопарклар чыгымнарында да, ахыргы кулланучылар чыгымнарында да чагылыш табачак. Компанияләргә экономияләү максатларында ул ягулыкның чыгымын һәм артык сарыф ителүен исәпкә алу белән бәйле барлык процессларны цифрлаштыруны тәкъдим итте.
Татарстанстат мәгълүматлары буенча, 2024 елда Татарстанда бензин маркасына карап 7,01–19,78 процентка, ә дизель ягулыгы 8,97 процентка кыйммәтләнгән. Яңа елда республикада бензин бәясе инде ике атна рәттән артмый.