Экологлар тикшергәннән соң Казанда бик зур көнкүреш калдыклары чүплеген юк итәләр
Скопировать ссылку
Гражданнар мөрәҗәгатеннән соң Татарстан Экология һәм табигать ресурслары министрлыгы белгечләре Казанның Үзәк Мариуполь урамында 47нче йорт янындагы территорияне тикшерде. Нәтиҗәдә законсыз чүплек факты расланды.
«Авиатөзелеш һәм Яңа Савин районнары администрациясенә чүплекне бетерү максатыннан мәҗбүри таләпләрне бозуны булдырмау турында кисәтү җибәрелде. Хәзерге вакытта территория җыештырыла. Эшләр 85 процентка тәмамланган», - дип билгеләп үттеләр табигатьне саклау ведомствосы матбугат хезмәтендә
1278 кв.метр мәйданлы территория калдыклар белән пычранган, чүплек күләме 766 кубометр тәшкил иткән.