Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Экологлар Казан халкын өч язгы өмәгә чакыра
Казанда республика өмәсе 27 апрельдә Нокса урманы территориясендә «Франт» сәүдә үзәге артында ТР экология һәм табигый ресурслар министры Александр Шадриков катнашында узачак. Ә инде бу атнада – 20 апрельдә Казансу елгасы һәм Комсомол күле буенда тагын ике өмә планлаштырылган.
ТР Экология һәм табигый ресурслар министрлыгында «Татар-информ» агентлыгына белдерүләренчә, Рус география җәмгыятенең Төбәк бүлеге теләгән һәркемне 20 апрельдә Дәрвишләр бистәсендәге өмәгә чакыра. Комсомол күле яр буйларын кыш буе җыелган чүп-чардан чистарту иртәнге 10да башлана. Өмәдә катнашучыларга бөтен кирәк-яракны урында бирәчәкләр.
Шул ук көнне ТР Экология һәм табигый ресурслар министрлыгы ярдәмендә «Чиста булачак» яшьләр хәрәкәте тарафыннан 2024 елдагы беренче өмә оештырылачак. Ул 13.00 сәгатьтә Казансу елгасы буенда башлана. «Елга техникумы» тукталышы янындагы күзәтү мәйданчыгы өмәдә катнашучыларның җыелу урыны булачак.
Быелгы язның төп өмәсе яңа квест-форматта 27 апрель көнне Нокса урманы территориясендә уза. Командалар өч сәгать дәвамында территорияне чүп-чардан арындырачак һәм чүпне шунда ук фракцияләргә бүлеп, баллар туплаячак.
«Иң җитез һәм игътибарлы катнашучыларны ТР Экология һәм табигый ресурслар министрлыгы һәм партнерлар әзерләгән кыйммәтле бүләкләр, дипломнар көтә», - дип белдерделәр матбугат хезмәтендә.
Кызыклы яңалыкларны күзәтеп бару өчен Телеграм-каналга язылыгыз