Екатеринбургта татарча сөйләм клубы очрашуы узачак
Скопировать ссылку
Екатеринбургта татар телендә аралашырга һәм яңа дуслар табарга теләүчеләр өчен татарча сөйләм клубының чираттагы очрашуы була. Бу хакта ВКонтакте социаль челтәрендәге «Екатеринбург татарлары» төркеме хәбәр итте.
Очрашу бүген, 4 сентябрьдә, 20:00 сәгатьтә башлана.
Чараны Екатеринбург шәһәре «Яшен» яшьләр оешмасы оештыра. Теләге булган һәркем татар телле мохиттә аралашырга, тел белемнәрен камилләштерергә һәм дусларча мөхиттә вакыт үткәрергә килә ала.
Фото: ВКонтакте социаль челтәрендәге «Екатеринбург татарлары» төркеме