Екатеринбургта гармун кичәсе узачак
Скопировать ссылку
Екатеринбургта халык мәдәниятен, милли сәнгатьне һәм җанлы музыканы яратучылар өчен бәйрәм чарасы — Татарча гармун кичәсе оештырыла. Матур гадәткә әйләнгән очрашуга халык моңнарына битараф булмаган барлык кунаклар чакырыла. Бу хакта ВКонтакте социаль челтәрендәге «Екатеринбург татарлары» төркеме хәбәр итә.
Программада:
- Тарихи сәхифә: Татар гармунының килеп чыгуы, аның милли иҗаттагы урыны һәм тарихы турында кызыклы мәгълүмат;
- Җанлы музыка: Гармун көйләренә таныш һәм барысы да яраткан халык җырлары;
- Уртак сәхнә: Җырларга яки биергә яратучылар өчен ачык мәйданчык.
Кичә 30 октябрьдә 19:30 сәгатьтә башлана.
Милли моңнарыбызны яңартып, гармун тавышына кушылып җырларга һәм ял итәргә теләүчеләрне көтеп калабыз, диелә хәбәрдә.
