Татар дөньясы 18 сентябрь 2024 12:32

Екатеринбургта татар теле курслары яңадан үткәрелә башлады

Скопировать ссылку

Екатеринбургта 15 сентябрьдән татар теле курслары яңадан үткәрелә башлады. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Бушлай курслар Татарстанның Свердловск өлкәсендәге Даими вәкиллегендә була, анда теләгән һәркем килә ала.. Курсларның оештыру җыелышына Екатеринбург, Ревда һәм Первоуральскидан кырыкка якын кеше килде.

Татарстанның Свердловск өлкәсендәге Даими вәкиле Хәйдәр Гыйльфанов аларга сәламләү сүзләре белән мөрәҗәгать итте. «Рус телле Екатеринбург шәһәрендә татар телен белү – эксклюзив ул. Татар телен өйрәнү кыен түгел – ул конструктор кебек мантыйкка нигезләнгән», - диде Хәйдәр Гыйльфанов. Ул барлык тыңлаучыларга туган телне өйрәнүдә уңышлар теләде.

Татар теле курсларын үзәк методисты Алинә Дамир кызы үткәрә. Дәресләр һәр якшәмбе була.

Сәхифәләр

Екатеринбургта татар теле курслары яңадан үткәрелә башлады