Екатеринбургта "Татар кызы" бәйгесенең сайлап алу туры була
Җиңүче Свердловск өлкәсе исеменнән Халыкара бәйгедә чыгыш ясау хокукы ала.
Скопировать ссылку
(Казан, 11 июнь, "Татар-информ"). 15 июньдә Екатеринбург шәһәрендә "Татар кызы-2018" бәйгесенең өлкәкүләм сайлап алу туры узачак. Бу хакта Свердловск өлкәсенең "Яшен" татар яшьләре оешмасы хәбәр итә.
Өлкәкүләм конкурста җиңүче Казанда Халыкара бәйгедә үз төбәген тәкъдим итәчәк.
"Татар кызы" бәйгесендә 18-25 яшьлек кызлар катнаша ала. Аларның татар телен, тарихын һәм мәдәниятен ни дәрәҗәдә белүләрен, аш-суга осталыкларын тикшереп караячаклар. Бәйге шартлары буенча, кызлар иҗади сәләтләрен дә күрсәтергә тиеш.
