Екатеринбургта «Шома бас» татар биюе конкурсы гала-концерты узачак
Скопировать ссылку
1 ноябрьдә 16:00 сәгатьтә Екатеринбургта «Шома бас» X юбилей бөтенроссия татар биюе конкурсының гала-концерты узачак. Бу хакта Татарстан Республикасының Свердловск өлкәсендәге даими вәкиллеге хәбәр итте.
Свердловск дәүләт өлкә халык иҗаты үзәгенең зур залында иң оста биючеләр – бәйге җиңүчеләре чыгыш ясаячак. Тамашачылар матур милли киемнәр, дәртле көйләр һәм татар биюенең матурлыгы белән ләззәтләнә алачак.
Концертның махсус кунаклары:
- Татарстанның халык артисты Рәсим Низамов;
- Татарстанның халык артистлары — «Фәридә һәм Алсу» дуеты.
Кичә алып баручылары: Айзилә Батырханова һәм Данис Хисмәтуллин.
Концертта катнашу бушлай.
