Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
^Екатеринбургта Рус хоры татарча концерт бирде
^Екатеринбургта Рус хоры татарча концерт бирде
(Екатеринбург, 13 март, «Татар-информ», Фәвия Сафиуллина). Урал дәүләт университеты хоры инде биш елга якын эшләп килә. Күренекле сәнгать осталары җитәкләгән бу коллектив дүрт тавышка бик катлаулы әсәрләр башкара. Муса Җәлилнең 100 еллыгын билгеләп үтү буенча уздырылган чараларда, бар кешене дә гаҗәпкә калдырып, бер генә татар кешесе дә катнашмаган рус хоры татар телендә концерт куйды. Биредә нигездә Шамил Шәрифуллин әсәрләре яңгырады.
Хор җитәкчесе Александра Алексеевна Кузнецова әйтүенчә, татар телендә әсәрләр өйрәнү бик җиңел булмаган. “Безнең һәр репетициядә татар телен белүче кеше утырды, ул безне авазларны, иҗекләрне дөрсе әйтергә өйрәтте”, - диде Александра Алексеевна. Муса Җәлилгә багышланган чараларда татарча чыгыш ясау турындагы фикер безнең профессорыбыз Анна Григорьевна Литвина башына килде, диде ул.
Ни генә булмасын, Урал дәүдәт университеты хорының татар телендә берничә әсәр башкаруы тыңлаучылар өчен көтелмәгән күңелле хәл булды.
Кызыклы яңалыкларны күзәтеп бару өчен Телеграм-каналга язылыгыз