Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Екатеринбургта «Мөхлисә Буби укулары» VIII Бөтенроссия конференциясе башланды
Бүген Екатеринбургта «Нигез буларак гаилә: гаилә кыйммәтләрен саклауда мөселман рухи традицияләренең роле» темасына багышланган «Мөхлисә Буби укулары» VIII Бөтенроссия фәнни-гамәли конференциясе ачылды. Бу хакта РФ Мөфтиләр шурасының матбугат хезмәте хәбәр итә.
Конференциядә катнашучы төркемнәрнең берсе Екатеринбургның тарихи мөселман зиратында булды, анда узган гасырлардагы татар җәмәгатьчелеге вәкилләре генә түгел, Свердловск госпитальләрендә вафат булган Бөек Ватан сугышы солдатлары да җирләнгән. Экскурсияне Свердловск өлкәсе мөселманнары Диния нәзарәте рәисе (Урал мөхтәсибәте), баш имам-мөхтәсиб Артур Мөхетдинов үткәрде.
Конференциядә катнашучылар һәлак булган сугышчыларны искә алды, алар истәлегенә куелган обелискка чәчәкләр салды һәм бергәләп дога кылды.
Шулай ук шәһәр тарихында якты эз калдырган танылган хәйриячеләр һәм меценатлар – сәүдәгәр Агафуровлар гаиләсе җирләнгән каберләргә аерым игътибар бирделәр.
Татар һәм башкорт җәмгыятьләре, Урал мөхтәсибәте һәм битараф булмаган шәһәр кешеләре катнашында даими рәвештә өмәләр үткәрелсә дә, зират алга таба игътибар таләп итә. 2018 елдан бирле волонтерлар территорияне чистарта, кабер ташларын тәртипкә китерә, шул рәвешле Урал мөселман тарихының уникаль һәйкәлен саклый.
Конференциядә катнашучылар билгеләп үткәнчә, бу урын активистларны гына түгел, галимнәрне дә җәлеп итә. Тарихчылар борынгы кабер ташларын өйрәнә, гарәп һәм төрки язуларны укый. Планда - зират тарихы һәм биредә җирләнгән кешеләр турында китап нәшер итү.
Кызыклы яңалыкларны күзәтеп бару өчен Телеграм-каналга язылыгыз