Дин 28 март 2023 10:36

Екатеринбургта Җәмигъ мәчете төзелеше өчен җир кишәрлеге бүлеп бирелгән

Скопировать ссылку

Свердловск өлкәсе мөселманнары Диния нәзарәтенең мәчет бинасы проектын дәүләт экспертизасы уңай бәяләгән. Екатеринбург мэриясе Җәмигъ мәчете белән мөселман үзәген төзү өчен 8 гектар мәйданлы җир кишәрлеге биргән. Аны Серов трактында, шәһәр төзелеше планы нигезендә Шувакиш урман паркы янында торгызалар.

Объектны торгызуны дәүләт экспертизасы хуплады: проект документациясенә һәм инженер тикшеренүләре нәтиҗәләренә уңай нәтиҗә бирелде. Бу хакта Россия мөселманнары Дини җыены сайтында хәбәр ителә.

«Экспертиза уздык, хәзер төзелешкә рөхсәт алу өчен документлар бирәчәкбез. Шуннан соң төзелешне башлыйбыз. Тулы бер биналар комплексы булачак», - дип сөйләде «Уральский рабочийга» Свердловск өлкәсе мөселманнары Диния нәзарәте мөфтие Абдул-Куддус Ашарин.

Эскиз проектына аңлатма язуыннан күренгәнчә, биналар комплексы Җәмигъ мәчетеннән һәм мөселман белем бирү үзәгеннән торачак. Шулайк ук җир асты парковкасы да каралган.

Сәхифәләр

Екатеринбургта Җәмигъ мәчете төзелеше өчен җир кишәрлеге бүлеп бирелгән