Татар дөньясы 23 июль 2019 16:21

Екатеринбургның 300 еллыгына Татар бистәсе экскурсия маршруты төзелә

Экскурсия кысаларында 1890 елларда төзелгән сәүдәгәр Агафуровлар утарлары, шул ук исемдәге сквер һәм Миллер утары белән танышырга мөмкин булачак.

Скопировать ссылку

(Казан, 23 июль, “Татар-информ”). 2023 елда Екатеринбург шәһәренә нигез салынуга 300 ел тулачак. Шул уңайдан, җирле татарлар шәһәргә бүләк әзерли. Биредә Татар бистәсе экскурсия маршруты төзелә. Бу хакта җирле татар яшьләренең "Яшен" оешмасы хәбәр итә.

Екатеринбургта Татар бистәсе 1820-1930 елларда булуы мәгълүм. 1892 елда төзелгән Агафуровларның төп йортында хәзер Свердловск өлкәсендә Татарстан Республикасының даими вәкиллеге урнашкан. Революциядән соң татар-башкорт оешмасына тапшырылган Миллер утарын исә 2021 елда төзекләндереп бетерергә ниятлиләр.

#екатеринбург #татар бистәсе

Сәхифәләр

Екатеринбургның 300 еллыгына Татар бистәсе экскурсия маршруты төзелә