Екатеринбург татар яшьләре караоке кичәгә чакыра
Кичәдә татар җырлары белән бергә, рус телендәге җырларны да башкарырга, биергә мөмкин булачак.
Скопировать ссылку
(Казан, 17 март, "Татар-информ"). 21 март көнне Екатеринбург татар яшьләре караоке кичәсе уздырачак. Бу хакта җирле татар яшьләренең "Яшен" оешмасы хәбәр итә.
"Бу кичә караокега җырлау гына түгел, ә дуслар белән күрешү, аралашу, атна буена җитәрлек энергия алу, матур җырлаучыларның тавышлары белән хозурлану да", - диелә хәбәрдә.
Кичәдә татар җырлары белән бергә, рус телендәге җырларны да башкарырга, биергә мөмкин булачак.
Чарага керү бушлай.