Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эфиопиядәге авиаһәлакәттә гомере өзелгән россиялеләр Саклык банкы хезмәткәрләре булган
Авиаһәлакәттә 157 кешенең гомере өзелгән.
(Казан, 11 март, «Татар-информ»). Саклык банкы Эфиопия авиакомпаниясенең фаҗигагә юлыккан лайнерында үзенең ике хезмәткәре һәлак булуын раслады. Бу хакта «Интерфакс» агентлыгы учреждениенең матбугат хезмәтенә сылтама ясап хәбәр итә.
«Саклык банкы үз хезмәткәрләре – Эфиопиядә фаҗигагә юлыккан очкычта булган ирле-хатынлы Екатерина һәм Александр Поляковның үлемен раслады», - диелә матбугат хезмәте хәбәрендә.
Хәбәрдә билгеләп үтелгәнчә, «Сбербанк Лизинг» компаниясендә эшләгән Поляковлар Африкага ял итәргә киткән.
«Һәлак булучыларның туганнарына тиешле бөтен ярдәм күрсәтеләчәк. Саклык банкы әлеге авиаһәлакәттә үлүчеләрнең (анда 157 кешенең гомере өзелде) барысының да туганнары һәм якыннарының тирән кайгысын уртаклаша», - диелә хәбәрдә.
- Ethiopian Airlines очкычы узган якшәмбедә Аддис-Абеба аэропортыннан һавага күтәрелгәч алты минуттан соң һәлакәткә юлыккан. Пассажирлар арасында 35 илнең (өчесе – Россиядән) гражданнары булган. Фаҗиганең сәбәпләре билгесез. Барлык пассажирлар да һәлак булган.
Кызыклы яңалыкларны күзәтеп бару өчен Телеграм-каналга язылыгыз