Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эдуард Николаев «Дакар-2019» ралли-марафонының җиденче этабында финишка өченче булып килде
Дмитрий Сотников экипажы — икенче, Жерар де Рой — өченче урында.
(Казан, 15 гыйнвар, «Татар-информ»). «КАМАЗ-Мастер» командасының Эдуард Николаев җитәкчелегендәге экипажы «Дакар-2019» ралли-марафонының җиденче этабында йөк машиналары зачетында финишка өченче булып килде. Бу хакта команданың матбугат хезмәте хәбәр итә.
Эдуард Николаев машинасы 387 километрлы Маркона – Маркона боҗралы этабын (шуның 323 километры махсус участокка туры килә) 5 сәгать 22 минут 2 сәгать эчендә узды.
Голландия узышчысы Жерар де Рой финишка беренче булып килде, ул россиялене 34 минут 35 секундка артта калдырды. Икенче урында – Белоруссия вәкиле Сергей Вязович, ул лидердан 30 минут 55 секундка калышты.
«КАМАЗ-Мастер» командасының Дмитрий Сотников җитәкчелегендәге тагын бер экипажы, машиналары юлда ватылып калу сәбәпле, финишка җиденче булып кына килде.
Җиде этап нәтиҗәләре буенча йөк автомобильләренең гомуми зачетында Эдуард Николаев беренче урынны саклап калды. Дмитрий Сотников экипажы — икенче, Жерар де Рой — өченче урында.
Кызыклы яңалыкларны күзәтеп бару өчен Телеграм-каналга язылыгыз