Мартның соңгы көнендә Татарстанда яңгыр явачак

Көньяк-көнбатыштан искән җилнең тизлеге 15-20 метрга кадәр җитәчәк.

(Казан, 31 март, «Татар-информ»). Мартның соңгы көнендә Татарстанда җылы һава торышы көтелә. Республика урыны белән яңгыр һәм кар явуы ихтимал. Бу хакта ТР Гидрометеорология үзәге хәбәр итә.

Юлларда иртәнге сәгатьләрдә бозлавык була. Көньяк-көнбатыштан искән җилнең тизлеге 15-20 метрга кадәр җитәчәк.

Көндез +3, +8 градуска кадәр җылы булачак.