Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Белгеч: Казанда ноябрьдә температура һәм явым-төшем күләме аномаль булды
Декабрьдә һава температурасының нормадан түбән булуы фаразлана.
(Казан, 30 ноябрь, «Татар-информ»). Ноябрьдә Казанда аномаль җылы һава торышы күзәтелә — һава температурасы уртача күрсәткечләрдән 7-8 градуска югары.
Татарстан башкаласының мэриясе КФУның метеорология, климатология һәм атмосфера экологиясе кафедрасы доценты Тимур Әүхәдиевкә сылтама белән хәбәр иткәнчә, югары температурадан тыш, явым-төшем буенча аномалия күзәтелә.
Шулай итеп, бер айда явым- төшәм нормадан ике тапкыр күбрәк булды. 29 ноябрьгә булган мәгълүматлар буенча, явым-төшем уртача 47 мм урынына 78 мм тәшкил итте.
«Аномалия чираттагы циклон аркасында килде, хәзер дә без бу циклонның алгы өлешендә торабыз. Көньяк агым безгә дымлы, җылы һава алып килә. Кичә җилнең көчәюе күзәтелде, ул бүген дә дәвам итә. Актив атмосфера фронты яңгыр да алып килде», — диде белгеч.
«Бу атна азагында Казанга кабат салкын һава торышы килә, ә декабрьдә һава температурасы нормадан түбән була», — диде Тимур Әүхәдиев.
Кызыклы яңалыкларны күзәтеп бару өчен Телеграм-каналга язылыгыз