Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тәтеш урманчылыгы территориясендә санкцияләнмәгән ике чүплек бетерелгән
Барлыгы 4 куб.м каты көнкүреш калдыгы чыгарылган.
(Казан, 29 май, «Татар-информ»). «Тәтеш урманчылыгы» ДКУ һәм «Тәтеш урман хуҗалыгы» ДБУ хезмәткәрләре санкцияләнмәгән 2 чүплекне бетергән. Алар көче белән барлыгы 4 куб.м каты көнкүреш калдыгы чыгарылган. Бу турыда Татарстан Урман хуҗалыгы министрлыгы сайтында хәбәр ителә.
Чүплек Тәтеш урманчылыгының Тархан участогында 19нчы кварталның 6 нчы бүлемтегендә һәм 8нче кварталның 6нчы бүлемтегендә урман фонды территориясендә булган.
«Кызганыч, без урманда рөхсәтсез калдык ташлау фактларын еш теркибез. Ә бит мондый чүплекләр янгын чыгу ихтималы белән генә түгел, ә әйләнә-тирә мохиткә зур зыян салуы белән дә куркыныч. Калдыклар таркалганда барлыкка килгән матдәләр туфракка һәм грунт суларына үтеп керә, бу үсемлекләр дөньясына зыян китерергә мөмкин», — диде «Тәтеш урманчылыгы» ДКУ җитәкче-урманчысы Ранил Рәхмәтуллин.
Кызыклы яңалыкларны күзәтеп бару өчен Телеграм-каналга язылыгыз