Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Һава шартлары начарлану сәбәпле, машина йөртүчеләргә сак булырга киңәш итәләр
Шимбә кар, буран, көчле җил көтелә, юлларда бозлавык һәм кар көртләре булырга мөмкин.
(Казан, 29 гыйнвар, «Татар-информ», Павел Климчак). Татарстан буенча ЮХИДИ йөртүчеләрне юлларда сак булырга өнди, чөнки Һава шартлары начарлануы көтелә. Бу турыда «Татар-информ» агентлыгына республиканың Дәүләт автоинспекциясендә хәбәр иттеләр.
Синоптиклар фаразлавынча, шимбә, 30 гыйнварда бөтен республика буенча кар, буран, көчле җил көтелә, юлларда бозлавык һәм кар көртләре булырга мөмкин.
ЮХИДИ кышкы шиналар куймаган килеш машинада йөрү тыелуын искәртә. Начар һава шартларында йөртүчеләр имин тизлек сайларга тиеш. Каршы як полосага чыгу кебек куркыныч маневрлар ясаудан тыелырга кирәк.
Машинада утыручыларның барысы да иминлек каешын эләктерергә тиеш. Балаларны махсус утыргычка утыртып йөртергә кирәк.
Республика Дәүләт автоинспекциясе барлык йөртүчеләрне юлда йөрү кагыйдәләрен үтәргә һәм юлларда сак булырга өнди. Көтелмәгән хәл булган очракта 8(843)5-333-888 телефоны буенча шалтыратырга кирәк.
Кызыклы яңалыкларны күзәтеп бару өчен Телеграм-каналга язылыгыз