Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КФУ белгечләре кыш аномаль җылы булачагын әйтте
Татарстанда һава торышына Атлантика көчле йогынты ясый.
![КФУ белгечләре кыш аномаль җылы булачагын әйтте](https://tatar-inform.tatar/resize/shd/images/uploads/news/2019/12/27/2196c6fbfbe42e5ab797b22d7ae2a40ea81970ccde6ad1c97f38f3c632db.jpeg)
(Казан, 27 декабрь, «Татар-информ», Наталья Рыбакова). Быел кыш температура климат нормасыннан югарырак булачак, мондый фараз алдагы ике айга — гыйнварга һәм февральгә кагыла. Бу хакта бүген «Татар-информ» мәгълүмат агентлыгында узган матбугат конференциясендә билгеле булды.
«Гыйнвар һәм февральдә температура нормадан югарырак булачак. Мондый кышны Европа кышы дип атыйлар. Климатны өйрәнүче галимнәр билгеләп үткәнчә, глобаль җылынуга бәйле рәвештә Европа кышлары еш кабатланачак», - дип хәбәр итте КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев.
Профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев, соңгы декададан тыш, узган ноябрь ае, шулай ук узып баручы декабрь аномаль җылы булды, дип аңлатты. Бөтен хикмәт шунда ки, төбәктә һава торышына Атлантика көчле йогынты ясый.
«Быел ноябрьдә һәм декабрьдә Россиянең Европа өлеше, һәм хәтта Себер дә, Атлантикадан җылы һава массалары йогынтысында булды. Атлантика безгә үзенең һава массаларын циклон рәвешендә җибәрде. Аларның үзәкләре төньяктан бара, ә безгә көньяк периферия яки җылы секторлар эләкте», — диде ул.
Переведенцев сүзләренчә, гыйнварга фараз 70 процентка акланачак. Шушы көннәрдә бер айга фаразга төзәтмә кертеләчәк. Гыйнварда уртача айлык температура гадәттә -11…-12 градус тәшкил итә, явым-төшемнәр 30 — 40 мм дәрәҗәсендә булачак.
«Бу аномалия киләсе айда 60 — 70 процентка сакланачак дигән шик бар. Мөгаен, гыйнварның уртача айлык температурасы нормадан югарырак булыр», — диде КФУ профессоры.
Галерея: Пресс-конференция об особенностях зимы на фоне потепления климата
Кызыклы яңалыкларны күзәтеп бару өчен Телеграм-каналга язылыгыз