Татарстанда коры һәм җылы һава торышы булачак

Температура +23 градуска кадәр күтәреләчәк.

(Казан, 27 май, «Татар-информ»). Иртәгә, 28 майда, Татарстанда атмосфера фронты узгач, коры һәм җылы һава торышы булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә. 

Республика территориясендә явым-төшем көтелми. Төньяк-көнбатыштан салмак җил исәргә мөмкин.

Төнлә һава температурасы +8… +13 градус булачак. Көндез 18–23 градуска кадәр җылытачак.