Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Табигый объектларның кыйммәтен раслау өчен фәнни материаллар җитмәве әйтелде
Федор Батков район-шәһәр җитәкчеләрен, территориаль планлаштыру эше барышында, махсус саклана торган территорияләр булуына аеруча игътибар итүләрен сорады.
(Казан, 27 февраль, «Татар-информ», Гөлнар Гарифуллина). Табигый объектларның кыйммәтен раслау өчен фәнни-тикшеренү материаллары җитми. Бу хакта Татарстанның Биологик ресурслар буенча дәүләт комитетының коллегия утырышында ведомство рәисе Федор Батков әйтте.
Ул былтыр Татарстанда махсус саклана торган биш табигый территория булдыру проектлары тәмамланып килүен әйтте. Аларның мәйданы 43 мең гектардан артык. «Идел буе киңлекләре» проекты Иделнең кыйммәтле ландшафтлы комплексларын булдырырга, биологик ресурсларын арттырырга мөмкинлек бирәчәген ассызыклады.
«Зур эш башкарылды, тик табигый объектларның, комплексларның кыйммәтен раслау өчен фәнни-тикшеренү материалларына зур ихтыяҗ сизелә», — диде Федор Батков.
Ул район-шәһәр җитәкчеләрен, территориаль планлаштыру эше барышында, махсус саклана торган территорияләр булуына аеруча игътибар итүләрен сорады.
- Республикада бүген махсус саклана торган 186 табигый территория исәпләнә, алар Татарстан мәйданының 6,3 процентын тәшкил итә. Биологик ресурслар буенча дәүләт комитетына вәкаләтләр тапшырылганнан бирле, барлыгы 57 мең гектардан артык мәйданда махсус саклана торган территорияләр булдырылган.
Кызыклы яңалыкларны күзәтеп бару өчен Телеграм-каналга язылыгыз