Синоптиклар 37 градус эсселек турында кисәтә

Синоптиклар әйтүенчә, аномаль эсселек көн ахырына кадәр дәвам итәчәк.

(Казан, 25 июнь, «Татар-информ»). Киләсе сәгатьләрдә Татарстанда һава температурасы 37 градуска кадәр күтәреләчәк. Бу хакта республиканың Гидрометеорология үзәге хәбәр итте.

Синоптиклар әйтүенчә, аномаль эсселек көн ахырына кадәр дәвам итәчәк.

Алдарак билгеле булганча, аномаль эссе һава торышы һәм урман янгыннарының югары куркынычы аркасында Татарстанда шторм кисәтүе игълан ителде.