Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тәтеш районында 120 кв. метрлы чүплек бетерелгән
Территориядә кәгазь һәм катыргы, пыяла, пленка, полиэтилен савыт, шулай ук торак чүп-чары кебек калдыклар ташланган.
(Казан, 25 май, «Татар-информ»). Тәтеш районында тиз арада гомуми мәйданы 120 кв. метрлы чүплек бетерелгән. Бу турыда Татарстан Экология һәм табигать ресурслары министрлыгы матбугат хезмәте хәбәр итә.
Татарстан Экология һәм табигать ресурслары министрлыгының Идел аръягы территориаль идарәсе инспекторлары Чуаш Чурапаны торак пунктының төньяк-көнчыгыш һәм көньяк-көнбатыш өлешендә чүпләнгән кишәрлеккә тап булган.
Территориядә кәгазь һәм катыргы, пыяла, пленка, полиэтилен савыт, шулай ук торак чүп-чары кебек калдыклар ташланган. «Законсыз чүплекләрнең гомуми мәйданы 120 кв. метр тәшкил итте, күләме — 22 куб.метр», — дип хәбәр иттеләр экологлар.
Әлеге фактлар «Әйләнә-тирә мохитне саклау турында»гы 7-ФЗ номерлы федераль законның 51 маддәсе буенча табигатьне саклау законнарын бозу булып тора. Бакырчы авыл җирлеге башлыгы адресына рөхсәтсез чүп-чар ташлау урынын бетерү турында таләп җибәрелгән, шуннан соң территория тиешле санитар-экологик халәткә китерелгән.
Кызыклы яңалыкларны күзәтеп бару өчен Телеграм-каналга язылыгыз