Бүген Татарстанда аязучан болытлы һава көтелә

Көндез һава температурасы +15 тән +20 градуска кадәр булачак.

(Казан, 25 май, «Татар-информ»). Татарстанда аязучан болытлы һава көтелә. Бу хакта ТР Гидрометеорология үзәге матбугат хезмәте хәбәр итә.

Урыны белән яңгыр явачак. Җил көнбатыштан, көньяк-көнбатыштан булачак. Көндез термометр баганасы +20 градуска кадәр күтәреләчәк.

Синоптиклар фаразлары буенча, яңа атна башыннан республикага җылы һава торышы кайтачак.