Татарстанда 26 градуска кадәр җылытачак
Иртәгә республикада аязучан-болытлы һава торышы көтелә.
Скопировать ссылку
(Казан, 2 май, "Татар-информ"). Татарстан Гидрометеорология үзәге мәгълүматлары буенча, иртәгә, 3 майда, республикада 26 градуска кадәр җылытачак.
Республикада аязучан-болытлы һава торышы көтелә. Урыны белән кыска вакытлы яңгыр, яшен булуы ихтимал. Төнлә һәм иртән аерым районнарда томан көтелә. Җил көньяк-көнбатыштан, көнбатыштан талгын исәчәк.
Төнләп температура +6..+11 градус булуы көтелә. Көндез һава +21..+26 градуска кадәр җылыначак, диелгән әлеге хәбәрдә.