Татарстанда -2 градуска кадәр салкыннар көтелә

Төнлә урыны белән томан төшәчәк.

(Казан, 23 сентябрь, «Татар-информ»). Иртәгә, 24 сентябрьдә, төнлә һәм иртән Татарстанда һава шартларының начарлануы көтелә. Бу турыда Татарстан Гидрометеорология үзәгенең матбугат хезмәте хәбәр итте.

Метеорологлар республика буенча урыны белән -2 градуска кадәр салкын көтелүен фаразлый.

Моннан тыш, төнлә һәм иртәнге сәгатьләрдә кайбер районнарда һәм Казанда томан төшәчәк.