Татарстанда боз явуы көтелә

Метеорологлар фаразлавынча, һава температурасы төшәчәк.

Скопировать ссылку

(Казан, 23 август, «Татар-информ»). Иртәгә, 24 августта, Татарстан кабат һава торышы шартлары бозылачак.

Гидрометеорология үзәге хәбәр иткәнчә, республика тотрыксыз һава массасында, актив атмосфера фронты йогынтысында булачак.

Аязучан болытлы һава торышы көтелә. Төнлә дә, көндез дә кыска вакытлы яңгыр, урыны белән көчле яңгыр явачак. Яшен булуы, боз явуы ихтимал.

Төньяктан, төньяк-көнчыгыштан уртача тизлектә, урыны белән 17-22 метр тизлектә көчле җил исәчәк.

Метеорологлар фаразлавынча, һава температурасы төшәчәк. Төнлә 15-20, көндез 21-26 градус җылы булачак.