Иртәгә Татарстанда болытлы һәм яңгырлы һава торышы булачак

Төнлә һава температурасы 7-12 градус җылы булыр дип көтелә.

(Казан, 22 сентябрь, «Татар-информ»). Иртәгә Татарстан территориясендә болытлы һәм яңгырлы һава торышы көтелә. Бу турыда Татарстан Гидрометеорология үзәгенең матбугат хезмәте хәбәр итте.

Төнлә һәм иртән урыны белән бераз яңгыр көтелә, диелә бу хәбәрдә.

Көндез явым-төшем ихтималы аз. Республикада төньяк-көнбатыштан, көнбатыштан җил исәчәк.

Төнлә һава температурасы 7-12 градус җылы булыр дип фаразлана. Көндез һава 13-18 градуска кадәр җылыначак.