Татарстан синоптиклары көчле җил турында кисәтә

Һава шартларының начарлануы 21 октябрьдә көндезге һәм кичке сәгатьләрдә көтелә.

(Казан, 20 октябрь, «Татар-информ»). Иртәгә Татарстан Республикасы территориясендә көчле җил көтелә. Бу хакта республика халкын ТР буенча Гидрометеорология үзәге кисәтә.

Һава шартларының начарлануы көндезге һәм кичке сәгатьләрдә көтелә.

«2020 елның 21 октябрендә көндез һәм кичен Татарстан Республикасы территориясендә урыны белән төньяк-көнбатыштан көчле җил көтелә», — диелә синоптиклар хәбәрендә.

Җилнең тизлеге секундына 15-18 метрга җитәргә мөмкин.