Татарстан синоптиклары -2 градуска кадәр кырау турында кисәтә

Көндез Татарстанда һава температурасы +8...+13 градуска кадәр күтәреләчәк.

(Казан, 20 сентябрь, «Татар-информ»). Иртәгә, 21 сентябрьдә, Татарстанда кырау төшәргә мөмкин.

Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, республикада аязучан болытлы һава торышы булачак. Урыны белән бераз яңгыр яварга мөмкин. Көньяк-көнчыгыштан һәм көнчыгыштан уртача тизлектә җил фаразлана.

Төбәктә төнлә һава температурасы 0 градустан алып +5 градуска кадәр булачак, урыны белән туфракта һәм һавада -2 градуска кадәр кырау төшәргә мөмкин. Казанда терекөмеш баганасы 0дән түбән төшмәячәк.

Көндез Татарстанда һава температурасы +8.+13 градуска кадәр күтәреләчәк. Республиканың көньягында җылырак булачак.