Мәскәүдә беренче кар яуган

Гидрометеорология үзәгенең фәнни җитәкчесе хәбәр итүенчә, җомга көнне 14 градуска кадәр җылытачак, ә ял көннәрендә янә салкын булачак.

(Казан, 19 октябрь, «Татар-информ»). Мәскәүдә беренче кар яуган. Бу хакта РИА Новости яза.

Гидрометеорология үзәгенең фәнни җитәкчесе Роман Вильфанд хәбәр итүенчә, бу атнада Россиянең үзәк өлешендә һава торышы үзгәрүчән булачак, сишәмбе көнне юеш кар явачак. Җомга көнне 14 градуска кадәр җылытачак, ә ял көннәрендә янә салкын булачак.