Татарстанда суык һәм яңгырлы һава торышы көтелә
Республика территориясендә вакыт-вакыт көчле җил исәчәк.
Скопировать ссылку
(Казан, 19 октябрь, «Татар-информ»). Иртәгә, 20 октябрьдә, Татарстанда шактый салкын һава торышы саклана. Бу хакта ТР Гидрометеорология үзәге хәбәр итә.
Төбәктә аязучан болытлы һава торышы булачак. Республикада урыны белән бераз яңгыр явачак. Көнбатыштан һәм көньяк-көнбатыштан исә торган җилнең тизлеге секундына 15-17 метрга кадәр көчәячәк.
Төнлә һава температурасы +3тән алып -2 градуска кадәр була. Көндез һава 4-9 градуска кадәр җылыначак.