Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан халкын ял көннәрендә яңгырлы һәм җилле һава торышы көтә
Республикада температура фоны түбәнәюе дәвам итәчәк.
(Казан, 18 сентябрь,«Татар-информ»). Киләсе ял көннәрендә Татарстанда яңгырлы һәм җилле һава торышы көтелә. Һава торышы төньяк-көнбатыш циклон йогынтысында формалашачак. Бу хакта ТР Гидрометеорология үзәге матбугат хезмәте хәбәр итә.
18 сентябрьдән 19 сентябрьгә каршы төндә республикада урыны белән яңгыр явачак, җылылык +6дан алып +11 градуска кадәр булачак. Көндез актив атмосфера фронты үткәндә төрле интенсивлыктагы яңгырлар һәм көчле җил фаразлана, аның тизлеге секундына 15-18 метрга җитәчәк. Термометр баганасы +15 градуска кадәр күтәрелә.
Якшәмбе һәм дүшәмбе көннәрендә Татарстанда һава торышы циклонның тыл өлеше йогынтысында формалашачак. Һава торышының тотрыксыз булуы көтелә, вакыт-вакыт яңгыр явачак. Төньяк-көнбатыштан искән җилнең тизлеге секундына 15-20 метрга җитәчәк. Температура фоны түбәнәюе дәвам итәчәк: төнлә +2дән +8 градуска кадәр, көндез +13 градуска кадәр була.
Кызыклы яңалыкларны күзәтеп бару өчен Телеграм-каналга язылыгыз