Татарстанлыларга җылы май вәгъдә итәләр
Синоптиклар фаразлавынча, Идел буе төбәгендә һава температурасы төнлә +10 тирәсе, көндез +20 градус тәшкил итәчәк.
Скопировать ссылку
(Казан, 18 апрель, «Татар-информ»). Россиянең Европа өлешендәге зур территориядә май аенда җылы һава торышы фаразлана. Бу хакта «Российская газета» Росси Гидрометеоүзәгенең лаборатория мөдире Людмила Паршинага сылтама белән хәбәр итә.
Әйтик, Татарстан Республикасында, Түбән Новгород өлкәсендә һәм Үзәк федераль округ төбәкләрендә температура климатик нормадан югарырак булачак. Мисал өчен, синоптиклар фаразлавынча, Идел буе төбәгендә һава температурасы төнлә +10 тирәсе, көндез +20 градус тәшкил итәчәк.
Явым-төшемнәр дә климатик нормада (51 миллиметр) булачак.