Башкортстан башкаласына чүп контейнерларын Түбән Камадан кайтарачаклар
Башкортстан башкаласына 2000 данәдән артык контейнер озатылачак.
Скопировать ссылку
(Казан, 18 гыйнвар, «Татар-информ»). Башкортстан башкаласында чүп контейнерларын Түбән Камада җитештерелгәннәренә алмаштырачаклар. Бу хакта Түбән Кама муниципаль районы рәсми сайтында хәбәр ителә.
«Уфада 13 меңнән артык чүп контейнеры бар, — дип аңлата белгечләр. — Күбесе искерде һәм алыштыруга мохтаҗ. Контейнер паркын яңарту безгә халыкка күрсәтелә торган хезмәтләрнең сыйфатын арттырырга һәм „Экология“ илкүләм проекты күрсәткечләренә ирешергә мөмкинлек бирәчәк».
1100 литр сыйдырышлы күчмә пластик евроконтейнерлар Уфага Түбән Каманың «Ай-Пласт» заводыннан китереләчәк. Башкортстан башкаласына 2000 данәдән артык контейнер озатылачак.