Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Синоптиклар Россиянең күпчелек өлешендә аномаль салкыннар көтелүе хакында кисәтте
Идел буенда һава температурасы нормадан 6-12 градуска түбәнрәк булачак.
(Казан, 17 гыйнвар, «Татар-информ»). Якын көннәрдә Россия территориясенең күпчелек өлешендә аномаль салкын һава торышы көтелә. РФ Гидрометеоүзәгенең фәнни җитәкчесе Роман Вильфанд шулай дип белдерде. Бу хакта РИА Новости агентлыгы хәбәр итә.
Метеоролог сүзләренчә, Россиянең Европа өлешендә нормадан тайпылыш – 15, Азия өлешендә 18 градуска кадәр тәшкил итәчәк.
«Идел буе федераль округында (округның күпчелек өлешендә) шулай ук -20, -30, урыны белән -32 градуска кадәр суыта, аномалия 6-12 градус тәшкил итәчәк, бу нормадан түбән», - дип искәртте Вильфанд.
РФ Гидрометеоүзәге куркыныч күренеш - «аномаль салкын» һава торышы хакында махсус кисәтү таратты, диде синоптик.
ТР Гидрометеорология һәм әйләнә-тирә мохитне күзәтү идарәсе фаразлавынча, киләсе атна башында, 18 һәм 19 гыйнварда, Татарстан территориясендә һава торышын циклон урынына (ул көнчыгышка китә) антициклон билгеләячәк. Явым-төшемнәр туктый, ә температура фоны түбәнәя: төнлә -23, -29, көндез -17, -22 градус салкын булуы көтелә.
Кызыклы яңалыкларны күзәтеп бару өчен Телеграм-каналга язылыгыз