Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ял көннәрендә беренче кар явачак
Циклоннар республика территориясенә җылы һава торышына алмашка салкыннар алып киләчәк.
![Татарстанда ял көннәрендә беренче кар явачак](https://tatar-inform.tatar/resize/shd/images/uploads/news/2020/10/15/e84bd08e1117b69eef7cb10d95cb49f1cc1f6acc1902ee6f3bfc568414fa.jpg)
(Казан, 15 октябрь, «Татар-информ»). Киләсе ялларда Татарстанда һава торышы начарланачак. Циклоннар республика территориясенә салкыннар алып киләчәк. Бу хакта Татарстанның Гидрометеорология һәм әйләнә-тирә мохитне күзәтү идарәсе хәбәр итә.
«Атмосфера фронтлары узганда яңгыр, кайбер районнарда карлы яңгыр, температураның сизелерлек төшүе көтелә», — диде синоптиклар. Шулай ук атмосфера басымының кисәк төшеп-менеп уйнавы турында да кисәттеләр.
Иртәгә, 16 октябрьдә, Татарстанда әбиләр чуагы дәвам итәчәк. Төнлә һава температурасы 5-10, ә көндез 12-17 градус җылы булачак. Төнлә һәм иртән урыны белән бераз яңгыр явып үтәчәк, көндез җилнең көчәюе көтелә.
Ә шимбәгә каршы төндә, атмосфера фронтлары узганда яңгыр явачак, республиканың төньягында карлы яңгырлар көтелә. Көндез дә бераз яңгыр явуы фаразлана. Төнлә һава температурасы 2-7, көндез 5-10 градус җылы булачак.
Якшәмбе, 18 октябрьдә иртән һәм көндез кабат яңгырлар явачак, иртән кайбер районнарда карлы яңгыр булачак. Көньяк җиле урыны белән 15-17 метрга кадәр көчәячәк. Төнлә -4 градуска кадәр кырау төшәчәк, температура +1 градустан да югары күтәрелмәячәк. Көндез 7-12 градус җылы булачак.
Метеорологлар фаразларына караганда, дүшәмбе, 19 октябрьдә төнлә урыны белән яңгыр явачак, көндез явым-төшемнәр көтелми. Көндез һава температурасы 7-12 градус җылы булачак. Сишәмбе, 20 октябрьдә салкын һәм коры һава торышы урнашыр дип фаразлана. Көндез 4-8 градус җылы булачак.
Кызыклы яңалыкларны күзәтеп бару өчен Телеграм-каналга язылыгыз