Татарстанда яшенле яңгыр һәм боз явуы көтелә

Яшен вакытында җилнең тизлеге секундына 17-22 метрга кадәр җитәчәк.

(Казан, 13 июнь, «Татар-информ»). Бүген кич, шулай ук 14 июньдә төнлә һәм көндез Татарстан территориясендә һәм Казанда урыны белән яшенле яңгыр явуы көтелә.

ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, яшен вакытында җилнең тизлеге секундына 17-22 метрга кадәр җитәчәк.

Казанда җилнең тизлеге секундына 15-20 метрга кадәр җитәр дип көтелә, кайбер урыннарда боз явачак.