Җәмгыять 13 гыйнвар 2021 09:15

Эколог Яңа ел чыршысын кайчан җыештырырга кирәклеген сөйләде

Бәйрәм агачының гомер озынлыгы якынча ике атна тәшкил итә.

Скопировать ссылку

(Казан, 13 гыйнвар, «Татар-информ»). Яңа ел чыршысының яшәү вакыты якынча ике атна тәшкил итә һәм Иске Яңа елга тәмамлана. Бу хакта «Тормыш киңлеге экологиясе» лабораториясе директоры Антон Ястребцев Sputnik радиосына биргән интервьюсында сөйләде.

Ястребцев гадәттә бу датага агач матурлыгын югалта башлаганлыгын әйтте.

«Мин ике атнадан артык өйдә тотмас идем. Ике атнадан соң ниндидер күгәрек барлыкка килергә мөмкин», - диде эксперт.

Ул җылыту сезоны вакытында фатирларда һава бик коры, шуңа күрә күгәрек тиз үсмәскә яки бөтенләй булмаска мөмкин, дип өстәде. Шуңа күрә Яңа ел атмосферасын өйдә озаграк саклыйсы килсә, бәйрәм чыршысын озаграк та тотарга була.

Элегрәк 31 гыйнварга кадәр Казанда тере чыршыларны кабул итү пункты эше оештырылганлыгы хәбәр ителгән иде.

Сәхифәләр

Эколог Яңа ел чыршысын кайчан җыештырырга кирәклеген сөйләде